Skemtileg helgi í faðmi fjölskyldunnar.

  Þessi helgi er svo sannarlega búin að vera ljúf og góð,sonur okkar og fjölskylda frá Vestmannaeyjum kom og var hjá okkur,það ver mikið spjallað og hlegið,svo átti hann pabbi minn afmæli,elsku kallin,  ekki leiðinlegt að geta státað sig af því að eiga 94 ára gamlan pabba,ekki það,ég held það sé nú ekki gaman að verða svona gamall,horfa á eftir konunni sinni og hverjum vininum á fætur öðrum fara yfir,vera orðin mynnislaus og upp á aðra komin með allt það hlýtur að vera ömurlegt.Hann pabbi minn var svo svakalega félagslyndur maður og þangað til í hitteðfyrra söng hann í tveim kórum og fór og spilaði einu sinni í viku,fór á allar samkomur á vegum eldri borgara og var alls staðar hrókur alls fagnaðar  þessvegna segi ég það,ég vil ekki verða SVONA gömul  

 En aftur að fjölskyldunni í Vestmannaeyjum,þau eru fimm í fjölskyldunni,strákurinn minn er kallaður Gunni og konan hans Siddý,hann er skipstjóra mentaður og hún er kennari,þau eiga þrjá krakka,Guðlaug er 18 er í fjölbraut og vinnur með skólanum,rosa dugleg og sæt stelpa stutt síðan hún spilaða fótbolta líka  strákarnir eru tveir Ásgeir sem er 15ára,og spilar á rafmagnsgítar   og Kristberg 12 ára æfir körfubolta og er að læra á trommur  ,þetta eru auðvitað frábærir strákar  þetta er semsagt algjör súper fjölskylda,sem ég er alveg svakalega stolt af  .Ég er oft að hugsa,vegna þess að ég veit hvernig þetta er í Eyjum,hvað er misskipt mannanna gæðum,líka hérna á Íslandi.Ef þú býrð í Vestmannaeyjum og til dæmis veikist,þá auðvitað ferðu fyrst  til heimilislæknis,síðan þarftu hugsanlega að fara til sérfræðings,þá þarf að koma sér upp á land og það er sko ekkert gefið,ef svo er brjálað veður þegar þú átt að fara,þá missir þú af tímanum vegna þess að það er ófært  þetta er bara eitt annað er að allur matur og annað er svo miklu dýrara þar en upp á landi,engin Bónus jú það er Króna en þar er frekar lítið úrval ein Húsasmiðja ekkert Býkó semsagt engin samkeppni, ekkert OB eða Orka eða hvað þetta nú heitir allt  svo þegar börn eru í íþróttum,kostar enn þá meira fyrir þau að fara í keppnisferðir,því það þarf að koma sér upp á land fyrst Fólk segir stundum,það er val hjá fólki að búa þarna,en stundum áttu ekkert val,þarna frekar en á vestfjörðum og öðrum strjálbýlum stöðum á landinu,þú ert kannski búin að koma þér upp góðu húsi,sem ekki fengist blokkaríbúð fyrir upp á landi,börnin eiga sína vini og eru í sínum hópi,svo þá er bara að þrauka og reyna að vera útsjónasamur og nota ferðirnar upp á land til eð gera sem flest í einu og hamstra svo í Bónus áður en maður fer heim    Mér finnst svo skrítið þegar maður hugsar um það,að í svona litlu landi,skuli ekki vera fyrir löngu búið að koma upp svona dreifbýlis styrk,því svo er alltaf verið að býsnast yfir þessum fólksflótta á suðvestur hornið á landinu,kannski við sporðreisumst bara einhvern daginn,þegar allir eru komnir á sama staðinn  Æi þetta eru bara svona smá hugleiðingar,ég held manni sé nefnilega hollt að skoða hvernig aðrir hafa það til að sjá að maður hefur það bara skolli gott,ekki satt  Talandi um að hafa gott í þessu "kreppu" tali,er ekki ráðið að skoða aðeins í hvað er maður að eiða krúnkonum,ég er nú svo heppin að ég tapaði engu í þessum látum undanfarið,vegna þess ég átti ekkert,þess vegna er kannski auðveldara fyrir mig að spara og reyna að vera útsjónarsöm,vegna þess ég hef alltaf þurft þess  alavega er ákveðið á þessum bæ að kaupa fár jólagjafir reyna frekar að búa þær til sjálf,sem er rosalega gaman og þarf sko ekki að kosta mikla peninga  svo hef ég verið að kaupa svona smá saman í jólamatin ef ég hef rekist á eitthvað á tilboði,svo ég er langt komin þar,svo það verða kannski bara róleg og ljúf jól þetta árið,ef öll útgjöld verða búin í Desember  ekki lleiðinlegt og eitthvað til að hlakka til  Jæja ég held ég hætti nú þessu bloggi í bili,fannst bara vera kominn tími á blogg og eins og ég sagði var helgin frábær með meiripartinn af fjölskyldunni í kringum sig og þeir sem ekki komu voru í símasambandi,svo það er sko ekki yfir neinu að kvarta  

Í lokin það berast alltaf góðar fréttir af henni Láru minni,hún er farin að fá meiri mátt og þetta er allt að koma,þökk sé öllum þeim bænum sem voru beðnar fyrir henni,ég veit að það voru hópar út um allan heim að biðja og það virkaði sko  Kæru bloggvinir og aðrir sem lesið þetta,verið nú dugleg að kvitta,það er svo gaman að fá koment   

Frábærar fréttir af Láru!!!!

 Fékk frábærar fréttir af Láru vinkonu minni í kvöld,hún vaknaði smástund,þekti mann og börn og talaði aðeins við þau Þið sem hafið verið að fylgjast með blogginu mínu og kannski verið að biðja fyrir henni,hafið hjartans þökk fyrir  

Annars var ég að skoða vefinn hans Júlla(kærleiksvefur Júlla)þar sem hann er að hvetja alla til að knúsa næsta mann,það léttir manni örugglega lífið að sýna kærleika ekki  satt,svo ég sendi ykkur öllum vinir mínir RISAKNÚS og takk takk  munið að kvitta  

Mánuður bleiku slaufunnar.

  Mig langar aðeins að tala um bleiku slaufuna og þessa fjáröflun hér á landi fyrir nýjum og ennþá næmari tækjum.Ég held að allir þekki einhverja konu sem hefur greinst með brjóstakrabba og annaðhvort lifað af eða ekki.Ég á góða vinkonu,sem greindist í gamla tækinu,það þurfti að fjarlægja brjóstið en hún lifir þess vegna finnst mér ekki spurning ,að kaupa bleiku slaufuna,maður er jafn dauður fyrir þúsund kall,en kannski bjargar svona tæki lífi mínu eða minna einhveratíma

  Talandi um fjáraflanir,á þessum tímum,núna um mánaðarmótin ætla björgunarsveitirnar um allt land að selja neyðarkallinn,í þetta skiptið verður hann sjómaður  Þetta er í þriðja skiptið sem við seljum neyðarkallinn,þetta eru lyklakippur,fyrsti var kall,næsti kona,bæði í fullum björgunarskrúða,gaman að safna þeim og aldrei of seint að byrja Það vita allir hvaða hlutverki björgunarsveitirnar spila hér á Íslandi,hvort heldur sem er í leit að fólki í óbyggðum og á hálendinu og ekki síður,í vondum veðrum bæði á sjó og landi.Öll þessi vinn er í sjálfboðavinnu en það þarf að reka þessar sveitir,það þarf að hafa vel útbúna bíla með öllum skyndihjálparbúnaði,það þarf sömuleiðis að eiga fullkomna björgunarbáta og það þarf hlífðargalla á þetta vaska fólk sem leggur líf sitt í hættu oft og tíðum við að bjarga mannslífum og eignum okkar þetta fólk er svo miklar hetjur í mínum huga og ég er svo STOLT ef því að vera partur af þessu teymi,sem er kvennasveitin Dagbjörg,sem var stofnuð til að styðja við bakið á Björgunarsveitinni Suðurnes og svo sannarlega höfum við gert það þessi ár sem við höfum starfað.Við söfnuðum fyrir sjógöllum og talstöðvum og höfum látið setja upp eldhúsinnréttingu í björgunarsveitar húsinu,því það þarf að vera hægt að elda ofan í þessar elskur þegar þau koma þreytt og köld inn,smástund í erfiðum útköllum,eins og voru svo sannarlega oft í fyrra En þó við séum duglegar að safna og þau líka með flugelda sölunni sinni,sem er eina fjáröflun þeirra og því miður allt allt of margir eru farnir að seilast inn á,þá dugir það ekki til.Svo nú þarf að biðla til almennings eina ferðina enn,og bjóða ykkur sjómanninn á þúsund kall,ekkert hækkað síðan í fyrraog ég er alveg sannfærð um að fólk tekur okkur vel,því öll þekkjum við einhvern eða höfum jafnvel sjálf,lent í einhverju þar sem  hefur þurfta á björgunarfólkinu  okkar að halda og eins og vanalega,þegar mikið liggur við,alveg sama hvernig efnahagsástandið hefur verið,þá hafa Íslendingar alltaf brugðist vel við svona hjálparbeiðni og ég á ekki von á að það verð neitt öðruvísi núna,ég hlakka svo til að selja núna,komst ekki í fyrra,var í smá beuty aðgerð

Ég fékk góðar fréttir af Láru vinkonu minni í kvöld,mettunin alltaf að batna og hún sjálf virðist vera að koma meira til baka,vonandi verða næstu fréttir þær að hún sé vöknuð og allt á batavegi,ég bið þá sem vilja að biðja fyrir henni áfram,ég veit af reynslu að bænin gerir kraftaverk 

Jæja ég er að hugsa um að fara að koma mér í  og vona að ég sofi í alla nótt  
en áður en ég geri það vil ég benda ykkur á nýja bloggvininn minn,hann á áreiðanlega eftir að koma okkur öllum í gott skap með bröndurunum sínum Góða nótt vinir mínir sem nennið að lesa þetta og endilega skiljið eftir ykkur fingrafar

verðum að halda í bjartsýnina

  Ég sit hér með kaffibollann minn,horfi á þetta vonda veður út um gluggann minn og neita að vera vonlaus eða svartsýn Nýjustu fréttir af henni vinkonu minni eru þær að það eru smá hænuskref fram á við,hún mettar betur,er verið að hugsa um að létta svæfinguna,en hún var komin með smá hita,svo kæru vinir verið svo góð að halda áfram að senda bænir ykkar,það er að virka  

Ég tók þá ákvörðun að á meðan allar þessar erfiðu fréttir skella á okkur íslendingum,að lesa ekki neikvæðar fréttir,ef ég kemst hjá því,ég er líka svo stálheppin,að eiga ekkert sparifé í banka,svo ég get sofið rótt yfir því,að það sé kannski allt að brenna upp las gott viðtal við hann Gunnar Eyjólfsson leikara,hann er svo dásamleg persóna og ég ætla að setja hérna smá klausu:Með því að horfast í augu við okkur sjálf gefst okkur tækifæri til að sigrast á því neikvæða.Að uppræta hið neikvæða er eins og að fjarlægja illgresi úr blómabeði.Um leið og þú fjarlægir það skapast rými fyrir fleiri jurtir.þetta finnst mér góð speki og ætla að reyna að mynna mig á þetta,þegar neikvæðnin grípur migAnnars bara vinir mínir njótið augnabliksins,við eigum bara   daginn í dag,gærdagurinn er liðinn og morgundagurinn ekki komin og nú ætla ég að fá mér meira kaffi      

FYRIRBÆN

   
Mig langar svo að biðja alla bloggvini mína og bara alla sem lesa þessa færslu,að biðja fyrir bestu vinkonu minni.Hún fór í hjartaaðgerð á mánudaginn var,allt gekk mjög vel,það þurfti að skipta um tvær æðar og allt leit bara mjög vel út,hún var komin af gjörgæslu á miðvikudag og á fimtudaginn ætlaði ég að heimsækja hana,en komst ekki.Við vorum öll svo alsæl með hvað þetta leit vel út,en þá kom reiðarslagið,hún fékk blóðtappa í hægra lungað og mögulega smá í það vinstra.Nú er henni haldið sofandi og útlitið er ekki gott,en ég trúi því að ef fólk biður af öllu hjarta til Guðs síns,þá bænheyri hann mann.Svo vinir mínir,ég yrði ykkur svo óendanlega þakklát ef þið hefðuð hana í bænum ykkar,hún heitir Lára Halldórsdóttir og er á gjörgæslunni við Hringbaut,þessi elska er búin að vera vinkona mín síðan við vorum 16 ára,hún er algjör perla og heimurinn yrði fátækari ef við misstum hana.Kærleikur til ykkar allra  

Fallegur haustdagur

   Við mæðgur vorum alveg súper duglegar í dag,ég byrjaði nú á að rífa af rúmunum og viðra og þvo,loksins þegar þornaði upp og sá til sólar síðan skruppum við upp á spítala og ég var svo heppin að hitta á tvo lækna sem voru komnir til að tala við bóndann.Hann er nú aðeins hressari,ekki alveg eins út úr heiminum,man reyndar lítið,en það er komin glampi í augun og þegar ég geng á hann með eitthvað,þá kemur það,tekur bara lengri tíma,svona í flestum tilfellum.Læknarnir sögðu mér að svona mikil þornun,eins og varð hjá honum gæti haft þessi áhrif og einnig þetta máttleysi niður í fótinn,hann getur sáralítið hreyft sig,nema í göngugrind og með fylgd.Þeir sögðu mér einnig að hann yrði rannsakaður áfram og ef ekkert breyttist fljótlega yrði fenginn taugasérfræðingur til að skoða hann.Annars sefur hann bara mjög mikið,gat samt hringt í mig úr gemsanum í kvöld,það er reyndar mjög einfalt,ýtir bara á sama takkan tvisvar,því númerið mitt er oftast efst,ef það er það ekki,fer allt í flækju   

Jæja síðan fórum við mæðgur og settum niður krókuslaukana í kirkjugörðunum,bæði í þeim gamla og nýja,það var rosalega góð tilfinning að vera búin að því  

og svona til að slútta góðum degi,eftir að ég var búin að kíkja aðeins á kallinn minn,þá grilluðum viðekki nokkur leið að láta svona dásamlegan haustdag framhjá sér fara      Svona að lokum langar mig aðeins að spjalla um sjúkrahúsið hér og heilsugæsluna.Mér finnst alltaf vera verið að hnjóða í þessa stofnun,en get bara ekki verið sammál,allavega fæ ég alltaf frábæra þjónustu þegar ég og mínir þurfa að leita þangað eins og núna í veikindunum hjá bóndanum,ég hringdi niðureftir og vildi fá að tala við sykursýkislæknirinn okkar,en hann tekur ekki síman,ég lýsti fyrir stúlkunni ástandinu,hélt jafnvel að þetta væri tengt einu lyfi sem hann var á,við sykursýkinni.Þessi tiltekni læknir hringdi svo í mig og sagði mér að  koma með hann niðureftir hann yrði búin að tala við ákveðinn lækni til að taka á móti okkur,það gekk svo eftir og var ákveðið að senda hann á bráðamóttökuna í bænum.Til að flýta fyrir innfrá prentaði þessi læknir út nokkrar sjúkraskírslur og beiðni um heila sneiðmynd og lét fylgja með og þetta flýtti ekkert smá fyrir svo þegar hann var komin hingað á sjúkrahúsið,er þjónustan og hlýlegheitin slík  að það er yndislegt,alveg sama hvað er brjálað að gera,alltaf eru þessar elskur boðnar og búnar brosandi og almennilegar Hafi allt starfslið sjúkrahússins mínar hjartans þakkir fyrir það óeigingjarna og erfiða starf sem það vinnur  Ég var líka að fá þær frábæru fréttir ,af bestu vinkonu minni,sem fór í hjarta aðgerð í dag,að allt hafi gengið vel og líti vel út,Guði sé lof.Svo nú er komin tími til að skríða upp í tandurhreint og ilmandi rúm,leggja aftur augun og þakka Guði fyrir góðan dag   

Búið að vera svolítið strembin vika.

  
  Ég er orðin svolítið þreytt á læknum og sjúkrahúsum í augnablikinu,þetta er bara svo löng saga að ég nenni ekki að fara út í hana í nema  í stórum dráttum .Kallinn minn lenti inn á sjúkrahúsi í gær,eftir mikið rugl og vesen,læknarnir héldu jafnvel að hann væri með heilablæðingu,því hann var svo svakalega ruglaður Allavega eftir stutt stopp á spítalanum hér var hann fluttur á bráðavaktina þar sem hausinn var skannaður og allavega fékk ég að vita að það er ekki blæðing,hann var svo þar í nótt og í morgun þegar ég var mætt á svæðið kom til okkar öldrunarlæknir,sem talaði smástund við okkur,en aðallega var hann svooooo spentur fyrir því að hafa hitt bróðir Engilberts Jensen bíddu ætli sé verið að reyna að hressa mann við með þessu eða hvað allavega vorum við ekki hress,vildum nú frekar fá að vita hvað ætti að gera .Blessaður maðurinn sagði mér svo að hann ætlaði að leggjast yfir lyfin hans og athuga hvort hægt væri að breyta einhverju þar,svo kæmi sjúkrabíll og færi með hann til Keflavíkur,á sjúkrahúsið hér það væri allt frágengið og mér væri alveg óhætt að fara ég gæti svo hitt hann suðurfrájæja ég kem heim einhverjum þrem tímum seinna og byrja á að hringja hingað niður eftir,en þar kannast engin við að von sé á kalli ég fæ að tala við hjúkrunarfræðing og vaktstjóra og engin kannast við neitt,svo ég hringi í bæinn þar er mér sagt að hann sé farinn til Keflavíkur og hann hljóti að vera rétt ókomin þarna var nú svolítið farið að sjóða á mér,hringi aftur niður eftir og viti menn karl fundinn og verið að koma honum fyrir í bælinu  jæja þá hélt ég að væri komin smá pása hjá mér,en nei,nú kom í ljós að þessi blessaði aðdáandi mágs míns,hafði lagt til all rótækar breytingar á lyfjagjöfinni hans og þá fyrst sauð alveg upp úr á þeirri gömlu það eru ekki nema í mesta lagi tvö ár síðan hann lá þarna inni síðast,til þess að breyta lyfjunum hans,sem notabeni var full þörf á þá,en síðan hafa þau bara verið að virka fínt  ég er skíthrædd við þetta og er búin að biðja um að hitta lækninn í fyrramálið,búin að liggja yfir lyfjaskrám á netinu og prenta út allt sem ég finn um þessi lyf sem þeir ætla að taka hann afég ætla allavega ekki að láta lækninn koma að tómum kofanum hjá mér og ég vil fá skíringar,ég er búin að þurfa að hugsa um lyfin hans í mörg ár og tel mig alveg vita hvernig hann þolir þau,ég fór til dæmis fram á að þau yrðu endurskoðuð síðast,því þá sá ég hvað þau voru að gera honum,en núna segir tifinning mín mér að þetta sé allt annað.  

Annars að allt öðru,ég var eitthvað voða rómantísk yfir haustinu á síðasta bloggi  en síðan hefur bara ekki stytt upp og allir fallegu haustlitirnir mínir fuku út í loftið,án þess að maður gæti nokkuð notið þeirra  og þó hún ladyvally segi að rigningin sé góð þá er nú hægt að fá nóg af öllu .Og hér með slæ ég botninn í þetta blogg í bili,vona að hún Dóra mín sé sátt við mig núna ég ætla að fara að hvíla mig svo ég verði hress þegar ég hitti doksa í fyrramálið, ég bíð ykkur öllum sem þetta lesið góðrar og vætulítillar helgar og hafið það sem allra best    

Haustið komið með öllum sínum kostum og göllum

  já ég er voða mikil haust manneskja,ég elska að kúra inni í vondum veðrum,með góða bók,eða kúsa sig í sófanum og heyra regnið bylja á rúðunni ,eina sem ég á erfitt með að venjast við vondu veðrin,er þegar ég veit af stráknum mínum á sjó,annars hef ég nú lagast rosa mikið,miðað við hvernig ég var þegar hann var að byrja maður lærir með aldrinum að sumu stjórnar maður ekki og þá er bara að leggja aðstæðurnar í hendur þess sem öllu ræður Það var rosa léttir þegar mér lærðist það,fyrir mörgum árum,einmitt í sambandi við strákinn og sjóinn.Hann var ekki nema sextán ára þegar hann byrjaði á sjó,heilu og hálfu næturnar gekk ég um gólf ef það var vont veður og athugaði ekki alltaf að það gat svosem verið besta veður þar sem hann var Svo var ég svo heppin að kynnast félagsskap,sem heitir AL-ANON,og það breytti gjörsamlega sýn minni á lífið Eins og mörgum aðstandendum alka,var ég óhemju stjórnsöm,vildi hafa alla þræði fjölskyldunnar,alltaf,í hendi mér og helst vita hvað allir voru að gera  eins og gefur að skilja er þetta ekki gerlegt til lengdar og ég var orðin gargandi meðvirkur og fárveikur aðstandandi,þegar ég var svo lánsöm að bjóðast námskeið hjá SÁÁ og í framhaldi af því fór ég í þessi dásamlegu samtök AL-ANON,þar lærði ég að taka bara einn dag í einu,að lifa og leifa öðrum að lifa og svo ótal margt annað,svo að í dag tel ég mig vera í forréttinda hóp,að hafa fengið að kynnast þessu lífsmunstri og er alveg viss um að ég væri annaðhvort dauð eða komin á geðdeild,hefði mér ekki veist sú hjálp sem ég fékk á þessum tímapunkti  

Annars ætlaði ég að skrifa umhaustið og hvað mér líkar best við það.Það eru þessir dásamlegu litir sem náttúran skartar,á þessum árstíma,það er alltaf hlegið svolítið af mér,þegar ég missi mig ,á hverju einasta ári,yfir undrum náttúrunnar,litadýrðinni og öllum pakkanum,ég myndi helst vilja taka haustlitina ,þessa rauðu,gulu,brúnu og grænu og geyma þá inni í stofu hjá mér allan veturinnsvona er ég mikill rugludallur,en mér líkar það bara vel

Annars er ég búin að eiga góða helgi það sem af er,hitti gamlar AL-ANON vinkonur í gærkvöldi,kannski það hafi rifjað upp fyrir mér þessi ár,svo í dag var ditta mannsbarn,bloggvinkona mín,búin að blása til hittings bloggvina á kaffi Duus,en við mættum bara tvær,ég og hún það var samt alveg frábært,mér finnst nefnilega ansi gott að geta sett andlit og persónuleika ,á þá sem ég er að spjalla við allavega fór vel á með okkur og ákváðum við að reyna að hóa saman aftur eftir þrjár vikur mánuð,við sjáum bara til hvernig það gengur svo á morgun ætlum við hjónin að hitta þrenn önnur vinahjón okkar,sem við erum búin að vera í hóp með í 14 ár.Við hittumst öll á Lútenskri hjónahelgi og höfum haldið hópinn síðan,ég veit ég þarf ekki að útskíra fyrir neinum sem hefur farið á svona helgi,hvað hún gefur manni mikið. Allavega höfum við ekki eignast tryggari vinahjón en þessa vini okkar

Jæja þetta er nú bara orðið gott í bili,ætla að fara að kúsa fyrir framan imbann með kallinum mínum,eigið góða helgi vinir mínir og takk þeir sem hafa minnst Magga með mér,munið svo endilega eftir að kvitta,  njótið haustsins

Í minningu góðs vinar

Þann 7 September lést góður vinur og vinnufélagi okkar hjóna,hann og fjölskylda hans voru fjölskylduvinir sem við höfum þekkt hátt í 50 ár.Hann hét Magnús Ingiberg Jóhannsson ,hann var kafari,hann var vélsmiður,hann var leigubílstjóri,hann var þúsundþjala smiður,hann var frábær yfirmaður og hann var frábær og tryggur vinur.

Fyrst þegar við kynntumst Magga  kom hann til að keyra leigubíl á B.S.K.síðar Ökuleiðum.Hann virkaði svaka töffari,alltaf til í að tuskast,stríðin með afbrygðum og forkur duglegur.Hann var kafari að atvinnu,með leiguakstrinum,og þeir voru ófáir dagarnir sem var ekki lagst til svefns í nokkra sólahringa á vertíðinni,brjálað að gera í köfuninni við að losa úr skrúfum hjá bátaflotanum sem mátti ekki stoppa meðan veður leifði,svo þegar kom landlega,var nóg að gera við að keyra sjóarana á böllin og út um allt land ef því var að skipta þetta var nefnilega á þeim árum sem Keflavík var stór útgerðarbær og maður sá ekki út fyrir höfnina fyrir möstrum í landlegum nú er öldin önnur sést ekki koppur í höfninni lengur

En aftur að Magga á þessum árum voru bæði við og hann og Habbý konan hans að byrja að búa og stækka fjölskyldurnar og á þessum tíma var mjög mikill samgangur á milli okkar,,enda báðir kallarnir leigubílstjórar og við "grasekkjurnar"þá frekar að skoða snið eða uppskriftir eða eitthvað við bjuggum við sömu götu í nokkur ár og alltaf þegar eitthvað þurfti að gera við bílinn,var farið í skúrinn til Magga og oftar en ekki var hann á kafi í bílnum,með FrikkaMér er mjög minnisstætt eitt atvik,það var að koma verslunarmannahelgi,Frikki var hættur í leiguakstrinum og kominn í fasta vinnu.Við vorum með þrjú börn á aldrinum 3-7 ára og búið að lofa þeim að fara í Galtalæk þessa helgi,viti menn bíllin bilar þegar á að fara á stað,farið til Magga og kemur í ljós að þetta er eitthvað sem ekki var hægt að laga í hvelli,nema hvað Maggi gat ekki horft upp á börnin svikin um helgina,svo hann lánaði okkur bara leigubílinn sinn alla helgina þetta  var atvinnutækið hans svo hann hafði enga innkomu á meðan,en þetta var nákvæmlega Maggi,kannski með svolítið töff skráp en algjört ljúfmenni og mátti ekkert aumt sjáég gæti sagt margar svona sögur af honum ,seinna þegar við urðum vinnufélagar aftur og hann þá yfirmaður minn sá ég enn nýja hlið á honum.Það var ekki hægt að hugsa sér sanngjarnari yfirmann,hann stóð alltaf með okkur "stelpunum"ef á okkur var hallað,sem var nú ansi oft,þetta var jú leigubílastöð og ekki allir bílstjórarnir eða kúnnarnir alltaf lömb að leika sér við en alltaf stóð Maggi við bakið á okkur og ef okkur datt í hug að vera með vöfflur og súkkulaði á Þorláksmessu fyrir gesti og gangandi,hrærði Habbý allt deigið,Maggi sat á símanum á meðan við færðum fólkinu veitingarnar.Ég fullyrði það að hann Maggi hélt stöðinni gangandi miklu lengur heldur en nokkrum öðrum hefði tekist,enda var engin tilbúin að taka við þegar hann vildi hætta vegna heilsubrests og kannski bara eiga tíma með fjölskyldunni,ég veit að þessi síðust ár Ökuleiða hljóta að hafa tekið á hann eins og okkur öll.Þegar svo var búið að ákveða að loka stöðinni var ákveðið að halda lokaball fyrir starfsfólkið og öllu tjaldað til sem hægt var og var Maggi ekki síður hugmyndaríkur en við "stelpurnar" Eitt uppátækið hans var að fá hann Rikka á líkbílnum að koma á honum og leggja honum fyrir utan skemmtistaðin þar sem við vorum,þetta var jú jarðaför Ökuleiða og hún skyldi sko vera virðuleg svona var Maggi,með skemmtilegan húmor,reyndar fór þetta uppátæki eitthvað fyrir brjóstið á sumum,en honum gat heldur ekki verið meira sama,hann fór sínar eigin leiðir stóð fastur á sínu en var alltaf sanngjarn

Ég ætlaði ekki að hafa þetta neina lofrollu um hann Magga,það hefði hann síst af öllu viljað,hann var ekkert gallalaus frekar en aðrir,hann var skaphundur og ef því var að skipta gat hann snúið hrjúfu hliðinni að viðkomandi,en aldrei nokkurntíma ,ef það var einhver sem var hjálparþurfi,bónbetri mann get ég ekki hugsað mér.Ég varð að koma þessu frá mér,mig langaði að skrifa minningargrein um hann en ég er ekki viss um að hann hefði kært sig um það,svo þetta er mín leið til að kveðja kæran vin,ég held að heimurinn væri betri ef til væru fleiri menn eins og hann Maggi kafari

Fékk eithvað klukk og verð að prófa að svara

 VINNA SEM ÉG HEF UNNIÐ.

1.Fiskvinnsla. 

2.Vinna á veitingahúsi

3.Á símanum hjá Flugleiðum

4.á símanum hjá Ökuleiðum í yfir 40 ár

MYNDIR SEM ÉG HEF SÉÐ.

1.The passion of the christ.

2.Mýrin.

3.Hafið.

4.allar Harry Potter

STAÐIR SEM ÉG HEF BÚIÐ Á.

1.Keflavík

2.Reykjavík

3.Njarðvík

4.Keflavík

SJÓNVARPSÞÆTTIR SEM ÉG HORFI Á

1.Grey's Anatomy

2.Women´s Murder Club

3.Bold and the Beautiful

4.Neighbours

STAÐIR SEM ÉG HEF FARIÐ Í SUMARFRÍ TIL

1.Norður í Eyjafjörð

2.Hringferð um Ísland

3.Til Ítalíu

4.Til Noregs

SÍÐUR SEM ÉG SKOÐA Á NETINU

1.vísir.is

2.víkurfréttavefurinn

3.bloggvinirnir

4.mbl.is

UPPÁHALDS MATURINN MINN

1.Indverskur réttur A LA RUUD

2.Fiskréttur A LA SIDDÝ

3.kjúklingaréttur A LA HEIÐA

4.sumarsúpa A LA SIGGA

BÆKUR SEM ÉG HEF LESIÐ

1.Allar bækur Arnaldar

2.Allar bækur Irsu

3.Barn að eilífu

4.Eyðimerkurblómið

og margar margar fleiri er algjör bókaormur

SORRY VALLÝ MÍN NÚ ER ÉG LEIÐINLEG OG KANNSKI EIÐILEGG ALLT SAMAN EN ÉG HEF ENGAN SEM ÉG VIL KLUKKA Á það var samt gaman að þessu vonandi eruð þið eitthvað fróðari um hana mig